Maarenmu , o na me terinka
Haadamarenmun, o na me terinka
O n da me terinka,
Sefexannun na mugi , I na faami
O n da me terinka,
Diganxannun na mugi , I na faami
O nan kafi , kapen me fe .
O nan golli , gollen me fe .
O kisiman dibun nan soroge xo kanŋu,
Singiti do wadane nan toxo koŋini masalanŋu,
Tisiite do walata nan yanben yanbanŋu,
I nan xare i nan tuyi, o na bagu wunanŋu.
O na me terinka
O nan siro, siroyen me fe
O nan ña baane ,a xa me fe
Moritaani ya ni o fuure
Moritaani ya ni jiidunfuure
O na me terinka
Ke fuure sunbandaanon ni moritaninko,
Ke fuure wurudaanon ni moritaninko,
Suraqe , fulle, sooninke,wolofo o su na ke fuure, yonko
Hari a ga na xoto , o n kafi o na a yonko yonkon.
O na me terinka
A wajibi o kanma o na ke fuure sunba doome ,
A wa o kanma senbe , o na ke fuure sorogo doome .
Xotoyun dangi , xotaxooron dangi,
Gannin dangi, gannin xotoyun dangi .
O yan da ke gunne saga doome.
O yan da ke ŋaaña maari doome.
Na Singiti do wadane taaxen taaxu ,
Na tisiiti do walata taaxen taaxu ,
Ke jamaane ni o jamaane ,
O na a baane ya tu o jamaane
O na a ya tu kisimanjamaane
Suraqe, fulle, a su sunpu baane
Sooninke,wolofo, a su forobaane
Fonxulle,fonbinne, o ya ni saaxe faabe
Yigo , yaxare , a su su yonki baane
Lemine,xirise, o su su baane
O na me terinka
Xotoyun dangi , xotaxooron dangi,
Gannin dangi, gannin xotoyun dangi ,
Du daro moritaninke , an na an jamaanen daro
Du raga moritaaninke , an na an jamanrenmun daro
Teleŋoye ti waxaaxu
Waxaaxu silamaaxu
Xotoyun dangi , xotaxooron dangi
Gannin dangi, gannin xotoyun dangi
O na me terinka
Silamaaxu Seraaxu,
Seraaxu darontaaxu .
Seraaxu jamaanigankaaxu,
Jaaminigankaaxu hooraaxu,
Xotoyun dangi , xotaxooron dangi,
Gannin dangi, gannin xotoyun dangi .
O na me terinka .
Laasana Kamara
Desenburu 12 siine 2023
Noqu be ga ni Walata
• Lien média Facebook de l’auteur https://m.facebook.com/story.php?story_fbid=pfbid0Myes6FWtsp1en7KDuvawSDFtYbKDnoiFoh1nTWd4mgGJRR4kiFMAZDLGR4sfktNol&id=100007319079274
L'ÉCRIT OSÉ | DEPUIS 2014 